Lýsing
RX3 Tornado Wall-Mounted Rack frá GetRXD er öflugur veggfestur lyftingarekki fyrir þá sem vilja sameina kaplavél og hálfan lyftingarekka í einu tæki. Rekkinn er festur upp við vegg og tekur því minna gólfpláss en hefðbundinn frístandandi rekki, en býður samt upp á mjög fjölbreytta styrktarþjálfun.
Það sem gerir RX3 Tornado sérstaklega fjölhæfan eru Tornado armarnir. Armarnir eru stillanlegir bæði lárétt og lóðrétt, þannig að þú getur sett trissuúrtökin í rétta stöðu eftir æfingu. Þú getur fært armana út til hliðar fyrir flugæfingar, inn að miðju fyrir æfingar eins og axlatog, róður og réttstöðulyftu með köplum, eða upp fyrir niðurtog. Þetta gefur mun meiri möguleika en hefðbundin kaplavél þar sem trissuúrtakið hreyfist aðeins upp og niður.
Þessi útgáfa er með Tornado 2.0 sleðum. Þeir eru með 4 innbyggðum hjólum á hvorum armi, nákvæmari sleða og uppfærðu hjóli sem hjálpar til við að halda kaplinum betur í réttri línu. Þetta gerir stillingar mýkri og auðveldari þegar armarnir eru færðir upp og niður eftir uppistöðunum.
Tækið er með tveimur 90kg lóðabunkum og 2:1 köplun á hvorum bunka. Það þýðir að þyngdin í handfanginu er helmingur af þeirri þyngd sem valin er á lóðabunkanum. Þessi köplun gefur mýkri hreyfingu og fínni þyngdarbil, sem hentar mjög vel í kaplaæfingum þar sem góð stjórn skiptir máli.
Með rekkanum fylgja J-cups, þannig að hægt er að nota fremri uppistöðurnar sem hálfan lyftingarekka fyrir æfingar með frjálsri stöng, til dæmis hnébeygju, bekkpressu og axlapressu. Upphífistöng fylgir einnig með og hægt er að stilla hana neðar ef meiri höfuðhæð þarf í upphífingum.
Grindin er úr sterkum 75 x 75mm prófíl með 26mm götum og 50mm millibili. Götin eru númeruð sem auðveldar stillingar á J-cups, öryggisslám og öðrum aukahlutum. Rekkinn er hluti af RX3 línunni frá GetRXD og því er hægt að bæta við ýmsum aukahlutum eftir þörfum.
RX3 Tornado Wall-Mounted Rack er góð lausn fyrir þá sem vilja fá mikla æfingafjölbreytni í minna rými. Hann hentar vel í öfluga heimarækt, bílskúr, einkaþjálfunaraðstöðu og minni æfingastöðvar þar sem mikilvægt er að nýta plássið vel.
Ath. rekkinn er veggfestur og þarf að festast tryggilega í burðarhæfan vegg. Mikilvægt er að velja festingar sem henta veggnum sem tækið er sett á.
Helstu mál o.fl.
• Hæð: 94″ / um 239cm
• Grind: 75 x 75mm
• Göt: 26mm
• Millibil á götum: 50mm
• Lóðabunkar: 2 x 200lb / um 2 x 90kg
• Köplun: 2:1 á hvorum lóðabunka
• Byrjunarþyngd á hvorum lóðabunka: 5lb / um 2,25kg
• Hreyfiferill kapla: 81″ / um 206cm
• Fjöldi stillinga á Tornado sleða: 29 stöður
• Millibil á Tornado sleða: 2″ / um 5cm
• Lárétt stilling á Tornado örmum: 7 stöður / 180°
• Lóðrétt stilling á Tornado örmum: 7 stöður / 90°
• Lægsta stilling á Tornado örmum: 4″ / um 10cm frá gólfi
• Minnsta bil milli Tornado arma: 10″ / um 25cm
• Mesta bil milli Tornado arma: 81″ / um 206cm
• Kaplar: Nylon kaplar
• Trissuhjól: Ál
• Handföng: Svört álhandföng með gripmynstri
• J-cups fylgja með
• Upphífistöng fylgir með
• Veggfesting / wall mount stringer fylgir með
• 4 x 26″ þverbitar fylgja með
• Hægt að bæta við aukahlutum úr RX3 línunni
